Courtyard by Marriott

Ta desaroyando Courtyard by Marriott Hotel i Mega Pier Plaza den 2019 i 2020. E hotèl sinku strea tin 152 kamber ku posibilidat pa agregá 40 kamber adishonal den futuro. E hotèl lo ofresé un bar, dos restorant i sinku sala di reunion. Ademas, Mega Pier Plaza lo tin espasio komersial pa diferente pakus, restorant i un kasino. Ta konstruyendo e proyekto pegá ku SVB enfrente di Megapier. E desaroyadó ta CMC Real Estate i e invershonistanan ta Gold Investment Curaçao, Vidanova Pension Fund Foundation, Isla Curaçao Pension Fund Foundation. Banda di esaki, parti di e invershon ta finansiá pa Korpodeko.

Ta implementando e proyekto aki den un fase i ya a invertí mas ku 60 mion florin. Na e momentu aki a sera e edifisionan, pa despues kuminsá ku drecha i prepará e tereno i stèl profil. E konstrukshon di e kompleho kompleto lo inisiá na ougùstùs 2019 i e proseso di konstrukshon lo dura 24 luna. E proyekto aki lo generá un kantidat di aproksimadamente 100 empleo den konstrukshon i 78 empleo den hospitalidat i sektor di atministrashon. Ku e fecha di apertura tentativo di Courtyard Marriott den ougùstùs 2020, Kòrsou lo ofresé otro hotèl maravioso ku ta brinda akomodashon i aktividatnan rekreashonal tantu pa turista komo pa personanan lokal.

1 Komentario

  • Jaime Felix
    Posted September 24, 2019 1:20 pm 0Likes

    Bon Dia, Mi kier a hanja informashon ta ken ta e persona cu ta bai construi of ta ken ta esun cu ta bai en general over di e proyecto aki.,
    masha danki

    Jaime Felix
    jajfelix@gmail.com

Duna bo komentario

Sign up for WhatsApp updates from Un Kòrsou Próspero