21 di yanüari, 2020 – Curacao Medical Center a firma Head of Terms (HOT) ku Zakito District Cooling

WILLEMSTAD –Zakito District Cooling ta ofresé cooling na tur edifisio entre Rif i Piscadera ku ta adekuá i ku básikamente ta wòrdu friá sentralmente; manera Dreams hotel, World Trade Center Curaçao, Sentro Mediko Otrabanda, Residence Piscadera, Renaissance i Curaçao Medical Center (Hospital Nobo).

Dito Garmers (Director Vastgoed di, Curacao Medical Center, CMC): “CMC tin un systema di èrko “state of the art” i sigur.  Zakito District Cooling tabata un desishon lógiko pa nos. Dor di e limitenan finansiero di nos sistema di kwido, konstantement nos ta keda buska un manera nobo di baha e kosto nan manteniendo e kalidad i seguridad di e kwido.

E sistema di Zakito District Cooling ta ofresé nos e posibilidat di realisá esaki sin invershon pa nos. Banda di baha nos kosto pa uso di èrko, e sistema ta sòru ku nos ta menos vulnerabel na e kosto di energía ku semper ta kambia.

Ku nos systema di èrko aktual e kantidat di cooling ta mas o menos 70-80% di nos konsumo total di energía. Pasobra e sistema di Zakito District Cooling ta un sistema duradero, e ta ofresé nos e posibilidat di baha nos Carbon Footprint i nos impacto riba Global Warming substancialmente. Asina CMC ta bira un di e hospitalnan mas duradero den nos region.”

Gilbert Gouverneur (Director di Zakito DC): “Firmamentu di e HOT ku CMC ta un mile stone importante i nos ta spera di por finalisá e kontrakto final pronto. Nos planing ta pa kaba di firma tur kontrato final ku e klientenan pa fin di febrüari, ya nos por kaba e finansiamentu i start ku e konstrukshon. A sobra solamente un kantidad limitá di kapasidat riba e sistema di Zakito, pa kual nos ta den negosashon ku diferente partido.

Awa di laman hundu ta un di e fuentenan di energia mas konfiabel, mas stabil pa loke ta trata gastu i sostenibel ku tin na mundu.  Spesialmente pa islanan, awa di laman hundu  tin un fuente balioso di kresementu. Prinsipalmente ku proyektonan di awa di laman na gran eskala manera esaki, lo por ta posibel pa ofresé sistema di cooling konfiabel (hurricane and tsunami proof), sostenibel i ku kosto efektivo na klientenan. Tambe por desaroyá un spinoff potensial ku por ofresé berdura  i kuminda di laman pa e isla. Esaki por ta un pilar ekonómiko nobo pa Kòrsou.

Den e plataforma Deepseawater Industry hunto ku gobiernu i sektor privá nos ta den e proseso di promové i desaroyá un posibel industria nobo pa Kòrsou.. E impakto ekonómiko premirá ta entre USD 50-100 mion pa aña ku 400-600 kupo di trabou figo.

Deep Seawater Technology, ta un opshon lógiko pa e islanan yega na un kaminda más “green”, autosufisiente i independiente di influensianan ékstranhero manera merkado di kombustibel i alimentashon”.

Duna bo komentario

Sign up for WhatsApp updates from Un Kòrsou Próspero